مقدمـــة

MERCREDI 1 AVRIL 2009

Ait Mzal - أيت مــزال

* * *

*

* * *

أيـت مـــــزال
AIT MZAL

* * *

* * *

بطاقة تعريف قبيلة أيت مزال

* * *

سياحة في قبيلة أيت مزال

--------------------

كلمات : محمد زلماضي المزالي

-----------------------
باسم الله كرا ايواليون * * أومديازفمايد إيزرين
أد نسلكم ما يتيونين * * أتنزري تيكليت ياضنين
نكاتين خ مايد ايزرين * * أورنسن ما يدان مايورين
نخالض غاسا توسنيوين * * نتميزارنخ لي جلانين
ستوفاوت واراتن كانين * * أسافو نلاخبار كوتنين
نحمد إيربي فتيقبيلين * * كولو تيلاخ سوتلنين
أيت باها ديمشكيكلن * * أيت والياض د ايكثيرن
إيلالـن د وادريمـن * * أيكونكا د ايكنضيفن
أيدارنخ نقاند أتن نسين * * ايت مزال مدن مقورنين

إيسبابن تاوساننين * * إيمزوورا حاضرنين
تاروانسن نيكي ولا كيين * * ما يمقورن ولا ما يمزين
نراياون تودرت غزيفنين * * أتكيم تيفاوت إيتاسوتين
لاجدود نون لي زرينين * * لاثرنسن كولو ختاسكيوين
السلامة نربي رحمنين * * إي يأيت مزال تكاونين

تادولي تودرت داومنين * * إييركازن دتومغارين

تاشتوكت خ تقبيـليلين * * آرتاسكاين أوكرض نسنين
تادجارت نس ايمشكيكلن * * بيليليتن سنت ويدسوقنين
دارلعربا نايت باها * * أكادير وانكارف آر أفـا
تاكوت نس أيت فالاس * * إيلالن دار ثلاثا وناس
إيمي نتاقبيلت تيسكويال * * بلا نسدوقر أنزري محال
تيمزكيداواسيف تفـكا * * إيماران إيماسان د الطلبـا
تيمزكيد أوسرير ايمحضارن * * تسوفغ كرايكات اينمالن
تيمزكيد نسيدي اعمر * * الزاويت يان إيران أيزر
تكا الزاويت نتحزابت * * تيغري القراءات السات
إيشبورا، البروج، د إيكيدار* * كان غاسا ايسكي أوكايوار
موتن إيدبانسن فـلند تيلاس* * أرخلون إيغربان كرايكات آس
أكادير نايت مزال الخمسان* * أكادير نسيصيض واسيفان
أكادير نحروش إيغزرانان * * أكادير وانكارف إيفوسان
لالواح نسن سلهمالت لاحتن * * لاخبارنسن دان كراتسن
كامين ما دتاران إيماران * * أولا ما دتينين إيماسان
غيكا آدكانت كولو تيميزار* * ييليحاسن الكنـز أزرار
أنبدر مادياكورن لمواضيع * * نسوتلاسن خ كوز لاربيع
أنكيو، تيزكى خ تاكوت * * تافات، تولحاج خ تينسوفت
أيت علي ايبورك إيغزرانان * * أيت الطالب آر أيت عثمان
أنسفلد أورارن أوكضيض * * ختيغزا دورتان نسيصيض
توعشاق خ تمي وامان * * دار واسيف إيفلوجان
تيبركنيت أخ نماكارن * * إيغاراسن نتفراوتان
تاركا نيمي واسيف * * تسمون إنكيان أوجاريف
العين واوليز تزوزوا * * كسانت كيس تيزدوا
أينيون واسيف أودغار * * إينزراف خ أيت واسكار
تيغزا د تاركا واسيفـــان* * أسكلو ديجديكن أومرزكان
أنوعمران خ تافراوتان * * أكركم أسايس لخمسان
غ ايمزيلن د ايسلكان * * توكا ديسوي دوامان
أيت داود اوحماد أمالو * * الحـد تايرزا دوسكلو
أنزري تامادلت نتكاثرت * * نواتس تاسنفوت نتادرت
أورنحتاجا إي بيوكرى * * أنمال أردنلكم تكنزى
القبت أوسليمان ايخرازن * * أزوزوو نتاكوت ايفساسن
إيسافارن دار ايبرباضن * * أسبرك دار أيت وارغن
أدنك أورتان نتامجلوشت * * نزايد ستاوادا ستاكموت
أنساقسا ايكيدر ف تازولت * * نوريد تاكزين سواوغيولت
ألكام ن إيغزرانان أملن * * أسايس نتفراوتان إيفغلن
نوشكاد خ أيت عبلي * * إينبكيون س أكني نعلي
أنزر إيمولا نتوفاغو * * أولا لاصفيرار ايداوفنو
أناسي لاقدام س إيباليون * * نبدو غوساون إيمادليون
مليون ياتوي ياز إيتران * * إيسفورا فوزاغار آر أمان
أنفل تيمزكيد اوسرير * * إينا خنلا آر أيت يدير
أوكوك إيبـيد خواسيف * * تامدا تعمر تزري الصيف
العين نتوريرت تنكي * * تاوي توجرارت تيدي
أنموتي خ إيزوكاين * * ستيسواك ايبرشواين

أنساول في ايغاراسن * * ف ايمزييرن مرواسن

أغاراس نتيريت * * يوغد زود تاسفيفت

أغراس نتوبلخير * * يوتس إداوكثيـر

أغراس واياض * * آر أيت والياض

أغاراس نتاكوت * * إيفغ ستغرابوت

وين تانالت أقديم * * إيزري فايت وادريم

إيغاراسن ياضنين * * فوغن خ الاثنين

غ ايلالن دوفرى * * واتسناك بيوكرى

ما يسالان تيمالايين * * ها يافولكي ختكناتين
مايلان خيجاريفـن * * وانا يران تيولافيـن
لاوحاش نتاكانين * * كسانين كر تاداكين
لاطيار تمي أورتلان * * تيكوما آر إيوكنان
المعيشت خيكران * * تومزين دوامان
تاكناريت دوورتان * * تازارت دواركان
غيكاد أدكيخ أيان * * أوادا يران أييسان
* * * * * * * * * *
* * * * * *
* * * *
* *
*

سياحة في قبيلة أيت مزال

--==*==--

كلمات : محمد زلماضي المزالي

-----------------------

بحروف تيفيناغ

----------------------
باسم الله كرا ايواليون * * أومديازفمايد إيزرين

Bismi llah kra iwaliwen = wmdyaz fmayd izrin
أد نسلكم ما يتيونين * * ننزريت تيكليت ياضنين

Adnsselkm ma ytiwennin = nzzrit tiklit yadnin
نكاتين خ مايد ايزرين * * أورنسن ما يدان مايورين

Nkkatin x mayd izrin = urnssin ma yddan ma ywerrin
نخالض غاسا توسنيوين * * نتميزارنخ لي جلانين

Nxald vassa tusniwin = ntmizarenx lli jlanin
ستوفاوت واراتن كانين * * أسافو نلاخبار كوتنين

Stufawt warratn ganin = asafu n laxbar gotnin
نحمد إيربي فتيقبيلين * * كولو تيلاخ سوتلنين

Npamd i rebbi f tiqbilin = kullw tillax swtlnin
أيت باها ديمشكيكلن * * أيت والياض د ايكثيرن

Ayt baha d imcgigiln = ayt waliad d iktirn
إيلالـن د وادريمـن * * أيكونكا د ايكنيضيفن

Ilaln d uadrimn = ikwnka d ignidifn
أيدارنخ نقاند أتن نسين * * ايت مزال مدن مقورنين

Aydarenx nqqad atn nssin = ayt mzal meddn meqqwrnin

إيسبابن تاوساننين * * إيمزوورا حاضرنين

Isbbabn tawssannin = imzwra padernin
تاروانسن نيكي ولا كيين * * ما يمقورن ولا ما يمزين

Taruansn nikki ula kiyyin = ma ymqwrn wa ma ymzzin
نراياون تودرت غزيفنين * * أتكيم تيفاوت إيتاسوتين

Nrayawen tudert vezzifnin = atgim tifawt i tasutin
لاجدود نون لي زرينين * * لاثرنسن كولو ختاسكيوين

Lajdud nnun lli zrinin = latrnsn kullw x tasgiwin
السلامة نربي رحمنين * * إي يأيت مزال تكاونين

Sslamt n rebbi rpemnin = i ayt mzal tgawnin

تادولي تودرت داومنين * * إييركازن دتومغارين

Taduli tudert dawmnin = i yergazn d tumvarin

تاشتوكت خ تقبيـليلين * * آرتاسكاين أوكرض نسنين

tactukt x tiqbilin = ar tasgayn ugerd nsnin
تادجارت نس ايمشكيكلن * * بيليليتن سنت ويدسوقنين

tadjart ns imcgigiln = bililitn sent wid suqnin
دارلعربا نايت باها * * أكادير وانكارف آر أفـا

dar loarba nayt baha = agadir wangarf ar afa
تاكوت نس أيت فالاس * * إيلالن دار ثلاثا وناس

tagut ns ayt fallas = ilaln dar tlata wanas
إيمي نتاقبيلت تيسكويال * * بلا نسدوقر أنزري محال

imi htaqbilt tiskuyal = bla nsdwqr anzi mwpal
تيمزكيداواسيف تفـكا * * إيماران إيماسان د الطلبـا

timzgida wasif tfka = imaran imasan d ttlba
تيمزكيد أوسرير ايمحضارن * * تسوفغ كرايكات اينمالن

timzgid w srir imepdarn = tsufv kraygat inmaln
تيمزكيد نسيدي اعمر * * الزاويت يان إيران أيزر

timzgid n sidi omer = zawit yan iran ayzer
تكا الزاويت نتحزابت * * تيغري القراءات السات

tga zawit n tpezzabt = tivri lqira at ssat
إيشبورا، البروج، د إيكيدار* * كان غاسا ايسكي أوكايوار

iccbwra lbrwj d igidar = gan vassa isskki ugaywar
موتن إيدبانسن فـلند تيلاس* * أرخلون إيغربان كرايكات آس

mutn idbabensn flnd tillas = arxellun iverban kraygat as
أكادير نايت مزال الخمسان* * أكادير نسيصيض واسيفان

agadir nayt mzal hxumsan = agadir n seissid wasifan
أكادير نحروش إيغزرانان * * أكادير وانكارف إيفوسان

agadir n pruc ivzranan = agadir u angarf iffusan
لالواح نسن سلهمالت لاحتن * * لاخبارنسن دان كراتسن

lalwap nsn slhmalt laptn = laxbarnsn dan gratsn
كامين ما دتاران إيماران * * أولا ما دتينين إيماسان

gammin ma d taran imaran = wla ma d tinin imasan
غيكا آدكانت كولو تيميزار* * ييليحاسن الكنـز أزرار

vikad ad gant kullw timizar = yilipasn lknz azrar
أنبدر مادياكورن لمواضيع * * نسوتلاسن خ كوز لاربيع

anbdr ma dyagwrn n lmwadio = nssutlasn x kwz larbio
أنكيو، تيزكى خ تاكوت * * تافات، تولحاج خ تينسوفت

ankiw tizgi x tagut = tafat tulpaj x tinsuft
أيت علي ايبورك إيغزرانان * * أيت الطالب آر أيت عثمان

ayt oli burk ivzranan = ayt talb ar ayt otman
أنسفلد أورارن أوكضيض * * ختيغزا دورتان نسيصيض

ansfld urarn ugdid = x tiuvza d urtan n seissid
توعشاق خ تمي وامان * * دار واسيف إيفلوجان

tuoccaq x tmi waman = dar wasif iflujjan
تيبركنيت أخ نماكارن * * إيغاراسن نتفراوتان

tibergnit ax nmaggarn = ivarasn n tfrawtan
تاركا نيمي واسيف * * تسمون إنكيان أوجاريف

targa nimi wasif = tsmun ingyan ujarif
العين واوليز تزوزوا * * كسانت كيس تيزدوا

loin uawliz tzuzwa = ksant gis tizdwa
أينيون واسيف أودغار * * إينزراف خ أيت واسكار

ayniwn uasif udvar = inzraf x ayt uaskar
تيغزا د تاركا واسيفـــان* * أسكلو ديجديكن أومرزكان

tivza d targa uasifan = asklw d ijddign u merzgan
أنوعمران خ تافراوتان * * أكركم أسايس لخمسان

anw omran x tafrawtan = agurgm asays lxumsan
غ ايمزيلن د ايسلكان * * توكا ديسوي دوامان

v imziln d iselgan = tuga d isswi d waman
أيت داود اوحماد أمالو * * الحـد تايرزا دوسكلو

ayt dawd upmad amalw = lpad tayrza dwsklw
أنزري تامادلت نتكاثرت * * نواتس تاسنفوت نتادرت

anzri tamadlt n tkatert = nwats tasnfut n taddart
أورنحتاجا إي بيوكرى * * أنمال أردنلكم تكنزى

wrneptajja i bigura = anmal ardnlkm tagnza
القبت أوسليمان ايخرازن * * أزوزوو نتاكوت ايفساسن

lqubt usliman ixrrazn = azuzwu n tagut ifessasn
إيسافارن دار ايبرباضن * * أسبرك دار أيت وارغن

isafarn dar iberbadn = asberrk dar ayt warvn
أدنك أورتان نتامجلوشت * * نزايد ستاوادا ستاكموت

addnk urtan n jamjlwct = nzayd stwada s tagmut
أنساقسا ايكيدر ف تازولت * * نوريد تاكزين سواوغيولت

ansaqsa igidr f tazwlt = nurrid takzin s wawvywlt
ألكام ن إيغزرانان أملن * * أسايس نتفراوتان إيفغلن

alkam n igzranan ammeln = asays n tfrawtan ifveln
نوشكاد خ أيت عبلي * * إينبكيون س أكني نعلي

nuckad x ayt obelli = inbgiun s agni noli
أنزر إيمولا نتوفاغو * * أولا لاصفيرار ايداوفنو

anzr imwla n tufavw = wla lasfirar idaw fennu
أناسي لاقدام س إيباليون * * نبدو غوساون إيمادليون

annasi laqdam s iballiwn = nbdu v wsawn imadliwn
مليون ياتوي ياز إيتران * * إيسفورا فوزاغار آر أمان

melywn yattwy yaz itran = isfura fuzavar ar aman
أنفل تيمزكيد اوسرير * * إينا خنلا آر أيت يدير

annfl timzgid wsrir = inna x nella ar ayt idir
أوكوك إيبـيد خواسيف * * تامدا تعمر تزري الصيف

wggug ibid x wasif = tamda toamr tzzri ssif
العين نتوريرت تنكي * * تاوي توجرارت تيدي

loin n turirt tengi = tawi tujjrart tiddi
أنموتي خ إيزوكاين * * ستيسواك ايبرشواين

anmmutti x izugayn = s tiswak ibrcwayn

أنساول في ايغاراسن * * ف ايمزييرن مرواسن

ansawl f ivarasn = f imzyyrn mmrwasn

أغاراس نتيريت * * يوغد زود تاسفيفت

avaras n tirit = yuvd zud tasfift

أغراس نتوبلخير * * يوتس إداوكثيـر

avaras n twblxir = yuts idaw ktir

أغراس واياض * * آر أيت والياض

Avaras wayyad = ar ayt walyad

أغاراس نتاكوت * * إيفغ ستغرابوت

Avaras n tagwt = iffv s tvrrabwt

وين تانالت أقديم * * إيزري فايت وادريم

Win tanalt aqdim = izri f ayt wadrim

إيغاراسن ياضنين * * فوغن خ الاثنين

Ivarasn yadnin = fwvn x ltnin

غ ايلالن دوفرى * * واتسناك بيوكرى

V ilaln dw fra = watsnak biugra

ما يسالان تيمالايين * * ها يافولكي ختكناتين

Ma ysalan timallayin = ha yafulki x tgnatin
مايلان خيجاريفـن * * وانا يران تيولافيـن

Ma yllan x ijarifn = wanna iran tiwlafin
لاوحاش نتاكانين * * كسانين كر تاداكين

Lawpac n taganin = ksanin ger taddagin
لاطيار تمي أورتلان * * تيكوما آر إيوكنان

Latyar tmi wtlan = tigumma ar aman
المعيشت خيكران * * تومزين دوامان

Lemoict x igran = twmzin d waman
تاكناريت دوورتان * * تازارت دواركان

Taknariyt d wrtan = tazart d waman
غيكاد أدكيخ أيان * * أوادا يران أييسان

Vikad adkix ayan = awada yran ayissan
--==*==--

كلمات : محمد زلماضي المزالي

------------------------------------
تحرير : محمد بن الحسن زلماضي
Zalmadi-mohamed@hotmail.com
------------------------------------

* * *